Şaxa Wanê ya Înstîtuya Ehmedê Xanî ku navenda wî li Stokholma Swêdê ye bi bernameya danasînê ve dest bi xebatên xwe kir.
Koordinatorê Înstîtuyê Necdet Takva, di bernameyê de axivî û derbarê çalakiyên înstîtuyê û Ehmedê Xanî de agahiyan da.
Axaftinên Necdet Takva:
Di enstîtuya me de mamoste, nivîskar û lêkolîner kesên pir giranbiha wek; Mahir Taha, Niels Thomsen, Kazuhiro Frukawa, Gertruth Junker, Kent Ekberg, Taha Civan, Yannis Phidas, Rona Taha, Saga Nafers, Necdet Takva û Tarık Gumuş hene.
Enstîtu bi serlêdana xwe ya di sala 2019an de li Wezareta Çandê ya Swêdê û Komîsyona Çandê ya Yekîtiya Ewropayê bi rê ket û di 27ê Cotmeha 2023an de bersîveke erênî bi destxist û bi standina hejmara erê kirinê bi avayeke fermî hat damezrandin.
Piştî wergirtina belge ya damezrandinê, me, yekser; bi kesên ku berhemên wan yên di çarçoveya qada xebatên me de hene, wek lêkolîner, nivîskar û akademîsyen, bi wan re lijneyên şêwirmendî û hevgirtinê ava kir.
Xebata pirtûkê ya bi navê XANÎNAME ku destpêkê de ji bo danasînê hate amade kirin û li cîhanê de nêzî 56 zanîngehan û saziyên bijarte re jî hatîye pêşkêşkirin.
Wekî din, ev berhem radestê 85 nivîskar û akademîsyenên ku li welatên cihê yên çar parzemînan de (Asya, Ewropa, Awustralya û Amerîka) dijîn re, hate pêşkêş kirin.
Armancên me yên di çarçoveya derfetan de;
Her sal kovareke bi navê XANÎNAME bi were weşandin. Gotar, fêrcivîn, sazdêran û ji bo mîrate hiştina nifşên pêşerojê avakirina pirtûkxane û berhevkirina arşîveke giranbiha ye.
Nivîskar, dîrokzan, lêkolîner Murad Ciwan, Abdullah Yaşin, Mehmet Gultekîn û akademîsyen; Doç Dr. Ahmet Kirkan jî ji bo bernameyê li ser dîmenên vîdyoyê peyamên xwe şandin.
Nivîskar û lêkolîner; Rohat Alakom, Mucahît Bîlîcî, siyasetmedar Mesut Ozturk û Weşanxaneya Sîtavê jî pêyamên xwe yên nivîskî şandin.
Lêkolîner û dîrokzan Kerem Serhatli, Desteya Şêwirmendiya Giştî Lêkolîner Gulten Madenli û Nivîskar-Lêkolîner Nihat Gultekin jî beşdarî bernameya danasînê bûn û li ser Ehmedê Xanî û girîngiya înstîtuyê de axivîn.
Koordînatorê Navendê û Giştî Mahir Taha, derbarê pêvajoya damezrandinê ya Înstîtuya Ehmedê Xanî, her wiha xebat û armancên Înstîtuyê de jî agahiyan da.